أنواع الولاد على النت من غير زعل

المرحلة الأولى : ( الي يدوبك لسه متعلم يدخل نت )

طبعا العمر يتراوح من 22 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه


المرحلة الثانية: ( الي بيقعد على النت بس مش كتير )

النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده
عزة نفس وميلحش بس هيتعصب وهيقولك اعمليلي بلوك


المرحلة التالته : ( الي قاعد على النت ليل نهار ده بقى شرحه يطول وينقسم لعدة انواع )

1- المقموص
ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت


2- ابو دم خفيف ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي
دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه



4- اللزقه

والنوع ده عايز حزم ف التعامل
معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت



6 -الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو في منتدى او ميل جروب تلاقيه مركز على كل البنات ومبيعملش
اي حاجة تانية غير كده الكوميدي بقى لما يتلخبط ويعتقد ان الأسم ده
انثوي
ويندمج وبعدين يطلع واحد صاحبه

8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط
ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه


10- بابا اوبح
ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة




وانتوا بقى ياشباب ياترى من اى نووووووووووووع؟؟؟؟؟؟؟
ياريت تقولوا بصراحه

ميرسى على مرورك يا قمر
بس يا ريت الولاد ميزعلوش مننا

سورى لو كنت ضايقتك وبعدين ايه اللى دخل اخويا والكلام ده
الموضوع باين من عنوانه
انواع الولاد على النت
الظاهر ان الموضوع اثر فيك اووى
وبعدين ايه حكايه متظلميش الشباب دى
هاتلى كده شله شباب عدلين بتكلم بجد مش بهزر محدش بقى كويس
الاغلبيه العظمى اللى ساديه الايام دى على المجمتع هى اغلبيه الشباب اللى مش كويسين
ومنين بتقول متظلميش الشباب
ومنين بتقول ليه البنت بتدخل على الشات وبيتقالها كلام مش كويس
يعنى هو مين ده اللى بيوقلها الكلام اللى مش كويس
مش الشباب برده اللى بتطلب منى انى مظلمهمش
كلامك متناقض يا اسير
وفى الاول والاخر الدنيا فيها الكويس والوحش
ميرسى لمرورك اللى من غير نفس

هههههههههههههههههههههههههههه

اختى

انت بتقولى ان كلامى متناقد ده حقيقى لان اولا احذ الموضوع بشئ من روح المرح والاخوه قبل كل شئ

ثانيا : اختى انت فعلا بى كلامك شمالتى كل الشاب
انا عرف ان الحسنه بتخص والسيئة بتعم اوك مقولتش حاجه

لكن ااختى فى اشخاص محترمه كتير جدااااااااااااااااااااا

لكن الوحش طبعا موجود ولا مكنش هيبقى فى خير وشر وجنة ونار وعذاب وعقاب

انامش بدافع على الشباب بالعكس انا معكى انى فى اشخاص مش الكل مش محترمين ولا يعرفو الاحترام
ام بالناسبه للشات ده موضوع منتهى عندى ااحتفظ طبعا بيه لنفسى انى انا ارفض ان اى فتاة تدخل شات تعارف
واعتزر اختى اذا كنت جرحتى اخواتى الفتيات بأى كلمة غير مقصودة

انا مقولتش ان كل الشباب وحشين يا اخ اسير
بس بقول ان الاغلبيه اللى سايده الايام دى هى الشباب اللى مش كويسين
واكيد طبعا فى ناس كويسه بس قليلين اوى الايام دى
وبالنسبه لرايك فى موضوع الشات مش هقدر اقولك حاجه
كل انسان ليه راى مختلف عن التانى
واختلاف الراى لا يفسد فى الود قضيه
شكرا لمتابعتك

هو انا قولتلك اللى قاعد فى الشغل انا بتكلم على الشات عامة
مش النت ذات نفسه
يعنى بتكلم عن الولاد اللى قاعدين على النت علشان يعملوا شات مع بنات
وفاكرين نفسهم فلانتينو
واظن ان انت مش من النوع ده خالص

فعلا اسير العشق احنا كلنا هنا اخوات
ومهما اختلفنا فى الاراء عمر ما هيحصل مشاكل بينا ان شاء الله
شكرا لمرورك ومتابعتك

فعلا يا كتكوته فى اكويس فى الولاد وفى الوحش
وبالظبط برده عند البنات فى الكويس وفى الوحش
وانا صنفت انواع الولاد اللى على الشات وبيلعبوا على البنات
مش اكتر ماليش دعوة بمواضيع الشغل والكلام ده
والتوبيك معمول عشان نضحك ونتناقش مش نتشاكل
ميرسى ليكوا يا جماعه على الردود دى

بجد ميرسى يا سهر على الموضوع بجد جميل اوووى
لان معظم الشباب بيعملوا كدة
ميرسى على الموضوع يا قمر

هههههههههههههههههههههه
ايه يا زعيم
يا جماعه انتوا فاهمين غلط خالص
انا بصنف والله الشباب اللى على النت وبيلعبوا على البنات
انتوا ليه مش عاوزين تفهموا قصدى
وبعدين انا مقولتش ان كله كده يعنى
وعارفه ان الدنيا بخير
ومن غير ما صحباتى الحلوين(كتكوته واميرة ولفلى) يقولوا حاجه
انا بقول اللى مفتنعه بيه
ميرسى ليكى لفلى وليك يا زعيم
ميييييييييييييييرسى ليكوا كلكوا