جمل محفوظه بيقولوها الشباب للبنات

اول ماالولد يشوف البنت وتعجبه بيعمل ايه؟؟

1-حبيبتى انتى عارفه انا مش بحب حركات الشباب الطايش انا اصلا مبكلمش

بنات (وتلاقى طوب الارض يعرفه)

2-يااااه حاسس انى اعرفك من زمان(وهوتلاقيه متلخبط بينها وبين بنت كان

يعرفها قبل كده)

3-يااه يا حبيبتى حاسس ان فيكى حاجه غريبه غير كل البنات (اكنها مثلا بتمشى

على ايديها ورجليها )

4-يااااااااااااه حاسس ان فى شبه كبير بين افكارى و افكارك احنا اكيد مخلوقين

لبعض(طبعا دى البنت رقم 1000 اللى بيقولها كده اكن يا عينى بنات الدنيا شبهه)

5-ياااه انتى كنتى فين من زمان يا رتنى كنت عرفتك من زمان

(قول للزمان ارجع يا زمان)

6-يااه يا حبيبتى انتى تؤمرى وانا انفذ اللى انتى عايزاه اجبهولك

(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه

وانا بغيييييير بغيييييييييير (طبعا فاهمين الحركات دى مش محتاجه تعليق)

8-هكلم باباكى اول ماكون نفسى(موووووووووووت يا حمااااااااااار)

9-عايز اشوفك كل يوم كل ساعه كل ثانيه (عشان اصحابه يتأكدو انها حلوه)

10-حبيبتى افتكرى دايما انى لما بحب بحب بجد وانا حبيتك(الاسطوانه المعتاده)

11-انا علاقتى بيكى محدش يعرفها غيرى و غيرك و ربنا لانك بقيتى كل

خصوصياتى (يعنى يا دوب اللى يعرفو اخواتى و اصحابى و جرانى وقاريبى

وصحاب صحابى.....الخخخخ)

12-احتمال اسافر الاسبوع الجاى سويسرا ورثت عمتى (وهى عمته اصلا من

كفر ابو بطيخ وماتت من 20 سنه)

13-انا كل عطورى من فرنسا (ايوه كلونيا خمس خمسات اللى انت بتحطها)

14 -ياه لما بشوف رقمك على الموبيل قلبى بيتنفض(طبعا من الخضه انها تكون
فأستك)

15-فلان قالى اديله رقمك بس انا قلتله اقتلنى قبل ماتاخد رقها منى

(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اتشاهد فى جمالك واحطها تحت المخده

(لا وهو الصادق عشان لما تتخانقو يهددك بيها)

17-اسف يا حبيبتى امبارح مقدرتش اكلمك كنت مشغوووول فى الدراسه

(قصده معهوش فلووس وكانت حالته كرب وما يتشافش

وما كانش عايزك تشوفيه كده وهو فى الحاله دى)

18-اسف يا حبيبتى انى مقدرتش اجى فى المعاد امبارح كان عندى ظروف صعبه

(معزور الولد افتكر معاد البنت التانيه اللى بقاله 3 اسابيع مأجلها)

19-عارفه يا حبيبتى انا طول الليل منمتش قاعد بفكر فيكى بس على ميين ترد

عليه تقوله اومال مين اللى كان نايم و مبيردش على التليفون؟بس كالعاده الرد

جاهز

(ياااه انتى تقصدى الخمس دقايق اللى نمتهم دوول؟دول من كتر التفكير

فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده (اصلاالنت من غيرك ما يسواش(يقصد مش بفتح البلوك عنك الا اما تمشى)

طبعا مش كل الشباب كده فى ناس بتحب بجد وبتبقى صادقه مع نفسها قبل ما تكون صادقه مع اللى ادامهم
بس دول للاسف عددهم قليل اوووى الايام دى

شكرا

من طرف **سهر الليالى** الخميس أكتوبر 25, 2007 6:17 am

اى خدمه يا روحى
انتى بس تؤمرى

من طرف lovely smile الخميس أكتوبر 25, 2007 6:35 pm

شكرا على الموضوع الجميل دا لان هو دا اللى بيحصل فعلا
ياريت نشوفك يا قمر فى مواضيع اكترمن كدة جميله اووووووووووى زى ده
سلام علشان مش اطول عليكم

من طرف **سهر الليالى** الجمعة أكتوبر 26, 2007 6:48 am

ثانكس على مرورك يا لفلى
ان شاء الله هتشوفى احسن من كده
منورة التوبك والله يا لفلى اسمايل
thank you very much

من طرف katkota الأحد أكتوبر 28, 2007 3:27 pm

مرسى ياسهر التوبيك فعلا جميل والكلام ده فعلا بالنص بيتقال ويمكن اكتر من كده كمان انا عايزين دايما كده ننورى البنات علشان ميطبوش

متخافيش يا كتكوته انا معاكوا يا حبيبتى
هنوركوا بكل حاجه ونخليهم هما اللى يطبوا ان شاء الله
ميرسى لمروك ده يا قمر

تسلمى اختى على الموضوع الجميل

لكن احب ان اضيف شئ

اختى مش كل اشباب ذى بعض فيهم الكويس والوحش

ذى ما فى البنات الكويس والوحش

لكن فعلا الظاهره دى انتشرت جدا

لكن احب اقولك ذلك يرجع الى التربيه الاسريه فى المنزل

فالشخص يجسد صورة كبيرة من حياته فى المتنزل والتربيه التى انشا عليه

تسلمى ااختى على الموضوع الجميل

من طرف katkota الإثنين أكتوبر 29, 2007 6:23 am

اه فعلا كلامك صح يا اسير بس دى كمان بترجع للاصحاب لان الصاحب هو اللى بيبوض صاحبه

طبعا مش كلوا كده
بس دى للاسف الاغلبيه العظمى الايام دى
ميرسى لمرورك اسير العشق ولمتابعتك يا كتكوته

من طرف الزعيم الإثنين أكتوبر 29, 2007 1:45 pm

انا عاوز اعرف انتم ناوين على بالظبط

على الانتقام يا زعيم
لازم ننتقم
هههههههههههههههه
ميرسى لمرورك يا زعيم

من طرف الزعيم الثلاثاء أكتوبر 30, 2007 5:58 am

كلام جميل ونشوف مين الى ؟؟؟؟؟؟ فى الاخر

احنا اللى هنكسب يا زعيم فى الاخر
ان شاء الله

من طرف hob4ever الأربعاء فبراير 27, 2008 1:01 am

خليكي كويسه بقي ومتفتحيش دماغ البنات
علي طول كدا هتفضحينا
خليكي جدعه
كدا محدش هيمشي مع بنات خالص
هههههههههههههههههههههه
التوبيك رائع

كل اللى هنا اخواتى
مش عاوزه حد يضحك عليهم باسم الحب
انور دماغهم احسن ما يطبوا
حركاتكم كلها مكشوفه والله
هههههههههههههههههههههه
ميرسى لردك

من طرف hob4ever الأربعاء فبراير 27, 2008 2:26 am

اما هيا مكشوفه بتكتبي ليه المفروض تكونوا عرفنها
هههههههههههههههههههههههههه

اعرف اللى مش عارفها بقى

من طرف TheEmperor الأربعاء سبتمبر 23, 2009 10:12 am

جامد يا سهر بس في شباب كتير مش كده و في شباب كتير كده و في ناس بتصدق الناس اللي كده و في ناس مش بتصدقهم و في بنات بتحب الشباب اللي كدا و بيبقي عارفين انو بيألف و بس لو فهمتي حاجه قولي

ههههههههه نايس توبيك

جمل محفوظه بيقولوها الشباب للبنات

جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات

رد: جمل محفوظه بيقولوها الشباب للبنات