جاوب على 5 اسئلة من خيال احلامك

الحقيقة حبيت اكتب 5 اسئلة خيالية ولكنها يمكن تكون حلم جميل لناس كتير مننا ، عموما الاسئلة دي اسئلة ممكن تنقل الواحد لعالم الاحلام او الخيال ايلي ممكن يكون احسن من الواقع لاننا احنا ايلي بنتحكم فيه اما الواقع هو ايلي بيتحكم فينا اكتر ، مش حطول وحسيب ليكم الرد على الاسئلة دي :


1-لو معاك آلة السفر عبر الزمن تحب تروح اي فترة زمنيه وفي اي عصر ؟


2-مين الشخص الوحيد ايلي ممكن تاخدة معاك في الرحلة دي ؟


3- لو اتخيرت انك تنقي شخصية تحب تقابلها ( تختار مين ) ولية ؟


4- لو اتخيرت انك تنقي انسان وتكون انت الانسان دة تختار تكون مين او زي مين ؟

5-اية الشيء ايلي شايف ان كل الانسان شايفينه بطريقة غلط وانت الوحيد ايلي شايفه بالطريقة الصح ؟




عموما ارجوا ان الاسئلة تكون حلوة وان الكل يجاوب عليها يمكن تكشف جوانب كبيرة للانسان عن نفسة
مكانش يعرفها

ربنا يهدينا جميعا
اختكم في اللة

1-احب اروح للمستقبل واشوف ايه اللى هيحصل تانى (فضول)


2-مش عارفه يا ميرو صعبه اوى انى اخد شخص واحد
بس هاخد حد من صحباتى يسلينى شويه فى الرحله دى


3-هختار قاسم امين وهقولوا انت السبب فى اللى احنا فيه ده
والسبب ان الثانويه العامه تيجى على البنات
هههههههههه
طبعا هشكروا انه خلانا نتعلم ولينا راى ومشاركه فى المجمتع

4-مش هختار اى حد انا عاوزه ابقى نفسى
وراضيه عن نفسى ومش عاوزه اتغير ولا اى حاجه


5-يعنى ان المفروض كل انسان يعيش فى حاله وبلاش حكايه كلام الناس وكده
بس طبعا مهما عملت انا فى مجتمع شرقى له عاداته وتقاليده
مش ينفع اعيش لوحدى فى المجمتع

ميرسى يا قمر على الاسئله

مرسى على ردك ياسهر

ابدا ارد انا على الاسئلة
لو معاك آلة السفر عبر الزمن تحب تروح اي فترة زمنيه وفي اي عصر ؟
طبعا عصر الرسول صلى الله عليه وسلم

2-مين الشخص الوحيد ايلي ممكن تاخدة معاك في الرحلة دي ؟

مش حد واحد بالعكس اتمنى اخد الناس اللى عايشين واللى ماتوا اللى مشافوش العصر ده

3- لو اتخيرت انك تنقي شخصية تحب تقابلها ( تختار مين ) ولية ؟
الرسول عليه الصلاه و السلام طبعا

4- لو اتخيرت انك تنقي انسان وتكون انت الانسان دة تختار تكون مين او زي مين ؟
اكون .. نفسى

5-اية الشيء ايلي شايف ان كل الانسان شايفينه بطريقة غلط وانت الوحيد ايلي شايفه بالطريقة الصح ؟الغرور.............في رأي انه بيكون نابع من ثقة الانسان في نفسه مش انه مجرد بيتعالى على الناس

لان في ناس فاهمه ان لو شخص تعالى او تكبر عليهم اصبح مغرور لكن هناك فرق في رأيي بين الحالتين

-لو معاك آلة السفر عبر الزمن تحب تروح اي فترة زمنيه وفي اي عصر ؟

( فى الحقيه اتمنى ارجع لعصر الرسول صلى الله عليه وسلم ))

__________________________________
2-مين الشخص الوحيد ايلي ممكن تاخدة معاك في الرحلة دي ؟

((( فى الحقيقه الشئ الوحيد اللى اتمنى اخده معى هو الأمل - الصبر)))

_______________________________________
3- لو اتخيرت انك تنقي شخصية تحب تقابلها ( تختار مين ) ولية ؟
فى الحقيقه اختار الدكتور مصطفى محمود( علشان اتعرف منه على عظمة الله تعالى من تجاربه فى البحث اللى كان هيأدى بيه الى الجنون ))
_________________________________________
4- لو اتخيرت انك تنقي انسان وتكون انت الانسان دة تختار تكون مين او زي مين ؟

((( فى الحقيقه صعب جدا الاجبه على السوأل ده اعتزر ))
_____________________________________________
5-اية الشيء ايلي شايف ان كل الانسان شايفينه بطريقة غلط وانت الوحيد ايلي شايفه بالطريقة الصح
((انك تغلط بدون قصد والناس متنتظرش انه تعرف منك ايه السبب هو الغلط))